Dritë mbi Dritë - Interpretim
Në Emër të Allahut
Të Gjithëmëshirshmit, Mëshirëplotit
Mik i dashur, zemra jote është një pasqyrë e lustruar.
Duhet ta pastrosh deri sa të bëhet e pastërt nga perdja e
pluhurit që është grumbulluar në të, sepse është destinuar që
ti reflekton dritat e sekreteve hyjnore. Kur drita nga
Allahu [Që] është Drita
e qiejve dhe e tokës
të fillon të shkëlqejë në regjionet e zemrës tënde, kandili i dritës do të ndezet. Kandili i zemrës
është në një qelq, qelqi është sikur të ishte
një yll flakërues që shkëlqen
Mandej brenda në atë zemër, vetëtima e zbulimeve hyjnore qëllon.
Kjo vetëtimë do të gjenerohet nga murmurima e reve të domethënieve
as nga Linda e as nga Perendimi,
e ndezur nga një pemë e bekuar ulliri
dhe hedh dritë në pemën e zbulimeve, aq e dëlirë, aq transparente saqë
shkëlqen edhe pse zjarri nuk e prekë.
(Nur, 35)
Mandej kandili i urtësisë ndezet nga vetë-vetja.
Si do të qëndronte i pandezur kur drita e sekreteve
të Allahut shkëlqen mbi të? Në qoftë se vetëm drita e
sekreteve hyjnore shkëlqen në të, sekretet e qiellit të
natës do të ndezëshin me mijëra yje,
dhe nga yjet [ju] gjejeni rrugën [tuaj]
(Nahl, 16)
Nuk janë yjet që na udhëzojnë ne, por drita hyjnore. Sepse Allahu e ka
mbushur qiellin e ulët
me bukuri [në] yje.
(Ja Sin, 6)
Në qoftë se vetëm kandili i sekreteve hyjnore të jetë i ndezur në veten tënde të brendshme,
të tjerat do të pasojnë, ose përnjëherë ose dalngadalë.
Disa ju veq i dini disa do të ju tregojmë ne këtu. Lexo,
dëgjo, mundohu të kuptosh. Qiejt e errët të ndërdijes do të
ndizen nga prezenca hyjnore dhe nga paqja dhe bukuria e hënës
së plotë, që do të lindë nga horizonti duke hedhur
Dritë mbi Dritë
(Nur, 35)
përherë duke u ngritur në qiell, duke kaluar përmes fazës së caktuar, ashtu si
Allahu i ka
caktuar për atë faza, derisa të
(Ja sin, 39)
shkëlqen në triumf në qendër të qiellit, duke e hedhur errësirën e pavëmendjes.
(Betohem) në natën kur është e qetë,
(Dhuha, 2)
Në triumfin e dritës së mëngjezit,
(Dhuha,I)
nata jote e ndërdijes do ta sheh zbardhjen e ditës. Atëherë do ta inhalosh parfumin e kujtesës dhe
do të pendohesh në orët e hershme të mëngjezit
(El Imran, 17)
të ndërdijes, dhe do të zhgënjehesh për jetën që e ke kaluar në gjumë.
Ti do ti dëgjosh këngët e bylbylave të mëngjezit, dhe do ti dëgjosh ata duke thënë
Ata e kishin bërë shprehi që të flejnë vetëm pakëz
gjatë natës, dhe në orët e hershme të agimit,
[ata ishin parë] duke u lutur që të jenë të falur.
(Zerijet, 17-18)
Allahu e udhëzon Kë të dojë Ai tek Drita e Tij
(Nur, 35)
Mandej do të shohësh duke lindur nga horizonti i Arsyes Hyjnore
diellin e njohurisë së brendshme. Eshtë dielli yt privatë, se ti je ai
të cilin Allahu e udhëzon,
dhe je
në udhën e drejtë,
dhe jo ai të cilin
Ai e len në gabim.
(Eref, 178)
Dhe ti do ta kuptosh sekretin se
Nuk është e lejuar diellit që ta arrin hënën,
e as nata nuk mundet ta zhvesh ditën.
Secila noton në orbitën (e tyre të caktuar).
(Ja Sin, 40)
Në fund, nyja do të zgjidhet sipas
alegorive që Allahu i vë para për njerëzimin,
dhe Allahu është i dituri i të gjitha gjërave,
(Nur, 35)
dhe perdet do të hiqen dhe muret do të copëtohen,
që do ta tregojnë të njomën nën të vrazhdën; e
vërteta do ta shfaqë fytyrën e saj. E tërë kjo do të
fillon kur pasqyra e zemrës tënde të pastrohet. Drita e
sekreteve hyjnore do të bie në të në qoftë se ti donë dhe
kërkon për Atë, nga Ai, me Atë.
Letër nga Hazret Abdul Kadir El-Xhilani ra.