RESPEKT NDAJ FEVE TË TJERA
Kur'an 6-108.
Ju mos ua shani ata (zota) që u luten (idhujtarët),
pos All-llahut, e (si hakmarrje) të fyejnë All-llahun nga armiqësia,
duke mos ditur (për madhërinë e Tij). Kështu Ne ia kemi zbukuruar
çdo populli veprimin e vet, mandej kthimi i tyre është tek Zoti i tyre,
e Ai i shpërblen për atë që vepruan.
Kur'an 10-47.
Secili popull kishte të dërguarin e vet,
e kur u vinte i dërguari i tyre bëhej gjykimi i
drejtë mes tyre, atyre nuk u bëhet padrejtësi.
Kur'an 22-67.
Secilit popull Ne i dhamë ligj (fetar) që ata veprojnë sipas tij,
pra le të mos polemizojnë (popujt e tjerë) me ty për këtë çështje
(për çështjen e sheriatit islam), e ti thirri te Zoti yt, se pa dyshim
ti je në një rrugë të drejtë.
Kur'an 10-99.
Sikur të kishte dashur Zoti yt, do t'i besonin
çka janë në tokë që të gjithë. A ti do t'i detyrosh njerëzit të bëhen besimtarë?
Kur'an 10-100.
Nuk është e mundur për asnjë njeri të besojë,
pos me lejen e All-llahut. Ai ka vene papasterti ne ata qe nuk kuptojne.
Kur'an 16- 9.
Dhe e All-llahut eshte drejtimi i rrugës,
dhe disa (rruge) nuk shkojne drejte.
Po sikur të kishte dëshiruar Ai, do t'u kishte udhëzuar që të gjithëve.
Kur'an 16-93.
Sikur të dëshironte All-llahu do t'ju bënte një popull
(në një fe), por (sipas dijes së Vet)
Ai e lë të humbur atë që do, dhe e
udhëzon tjetrin që do, e patjetër do të përgjigjeni për atë që vepruat.