Pafillimshmëria e Fillimit
Toka, Zjarri, Uji, Ajri, dhe Eter. Këto pesë forca përshtaten në kozmologjinë e
jetës kryesore, dhe të
futesh brenda në të duhet lënë pikëpamjen mekanike të botës që e
burgosin shpirtin. Ne duhet kuptuar cka Bava e quan
Pafillimshmëria e
Fillimit, një dimenzion që nuk është aq shumë
para kohe si dhe
jashtë kohe, dhe që është edhe
tani.
Këto janë mësime të thella-uji të një
plaku të urtë. Nuk janë informata të zakonshme, dhe ne duhet të hymë
aty sikur kur na bart era thellë në detë, si një shikim i shpejtë
nëpërmjet ujërave të kaltërta dhe të gjelbërta të rrymave të vërteta
antike që asnjë gjuhë nuk mund ti përshkruaj.
Është një shpjegim i treguar nga ai që kurr nuk gënjen, që
kurr nuk mund të gjejë fjalë të përshkruaj të vërtetat e
parrëfyeshme.
Nga Një Heshtje e Thellë e Pafillimshmërisë Së
Fillimit
Lind Një Mallëngjim Hyjnorë
Isha Një Thesarë i Fshehur Dhe Dëshirova Që
Të Njihem.
Në përgjegje të këtijë Qëllimi Origjinal, një dritë e
madhëruar buron nga lartë, nga brendësia e Mallëngjimit, dhe Zoti vë
re se është një shkëlqim i bukur i fytyrës së Tij.
Ky është
Nuri i Muhamedit a.s. konshiencë e dëlirë e vetëdijshme për vet-veten.
Në atë moment kur Allahu shikon në këtë dritë, të gjitha
misteriet që kanë qenë të mbyllura shpërthejnë nga brendësia e Tij
si rreze xixëllimash të shkëlqimit të dritës. Këta janë shpirtërat e
të gjithë krijimit, dhe vendosen në elementet origjinale: tokë,
zjarr, ujë, ajër, dhe eter, duke i mbushur ato me konshiencë
jetësore.
Por nga natyra këto pesë forca janë armik i njëra tjetrës:
uji shuan zjarrin, zjarri djeg tokën, dhe ashtu me të tjerat. Mandej
Allahu vë para tyre Nurin, duke shkëlqyer me ndricimin e hënës së
plotë, duke rezonuar me të Vërtetën e Madhe:
NUK KA KOHERENCË, NUK KA
KUPTIM, ASNJË QENDËR TJETËR PËRVEQ ZOTIT.
Elementet përkulen me nderim dhe
nënshtrim. Harrojnë krenarinë e dualitetit, ata janë shkrirë në të
tërën nga tërheqja e bukurisë dhe energjisë së NURIT.
Kaosi bëhet
Kozmos.
Prototipi i marrëdhënieve midis krijimit dhe Krijuesit
themelohet, një rrjedhje e pandërprerë e adhurimit dhe falënderimit.
Në këtë fushë, të gjitha gjërat lulëzojnë. Ky vend quhet
Avual. Sfera e
Shpirtërave.
O Zot! Ti je rrezja e hapur e dritës infinite.
Ti i vetëm je Zot, që transcendon cdo gjë,
Ti je i tëri që Ademi duhet të bëhet.
Ti je fara e imët dhe universi i madhë.
Ti je strehimi, Ti je rruga.
Ti je dora që mban, Ti je fuqia.
Ti je i pa formë, Ti je formë.
Ti je një syth dhe lulja plotësisht e hapur.
Ti je një dritë margaritari brenda në sy.
Nga
Aval, adhurimi i dëlirë
shpirtërat tonë zbresin në sferën e dendur të harresës –
bota jonë - dhe bëhen të
varrosur në formën e trupit, “hija e dashurisë së Zotit.” Ketu
tregimi i Thesarit të Fshehur hapet edhe një herë. Sikurse Nuri që
doli nga Zoti, gjithashtu Nuri duhet e dal nga fshehja brenda në
zemrën e njeriut.
Kur shpirti për herë të parë veshi rrobat e trupit,
Oqeani ngriti lart të gjitha dhuratat.
Kur dashuria për herë të parë shijoi buzët
E të qenurit njeri, filloi të këndojë.
Ne jemi nga një vend përtej këtij universi, por prap
supozojmë se
Jemi nga toka dhe hiu.
Ne shkojmë duke trokitur tek dyert e të panjohurve
të kuptojmë se kush jemi.
Ne e kërkojmë këtë botë për zgjidhjen e madhe
Të asaj që u martua me ne gjatë lindjes
Dhe shkurorëzohet në vdekje.
Eventualisht
kur mallëngjimi ynë rritet në një thellësi të mjaftueshme, na sjell
në prezencën e intelegjencës kulluese që ka për detyrë të rigjej
Thesarin e Fshehur, “të
vërtetën e thellë brenda në gënjeshtër.” Ky është
këshillëdhënësi ynë i brendshëm, i Shenjti. Mendja jonë e
shkapërderdhur dhe dëshirat e paplotësuara rrezistojnë, por natyra e
Këshillëdhënësit është një dashuri që nuk mund të rrezistohet.
Pse mos të bëhesh i fresket nga
butësia e zemrës së pranverës?
Pse
mos të buzëqeshësh si një trëndafil? Pse mos të shpërndash aromë?
Në
veprimin suprem të njeriut duke iu nënshtruar Këshillëdhënësit, puna
e lirimit fillon. Përderisa dinamika e ndarjes së impulseve të
elementeve tona kuptohet, nevoja të bëhesh Vetëvete e unifikuar
bëhet një obligim që shpërndahet në jetën tonë. Zgjuarsia e lindur
nga natyra fillon ta pastrojë zemrën nga papastërtitë në mënyrë që
shkëlqimi madhështor i Nurit të Muhamedit a.s. të shkëlqejë përpara.
Në prezencën e një parimi më të lartë organizues të dritës,
elementet bëhen krijuese të metriksit të jetës.